Bogo City, January 13, 2020 – Sa labing unang higayon, giablihan sa Dakbayan sa Bogo ang “Bibo sa Bogo: A Christmas Village Carnival” usa ka susama sa theme park nga nag-feature ug nagkadaiyang Carnival rides ug mga nagkadaiya usab nga Christmas Villages nga naglangkub ug lain-laing tema sama sa Disney Movies gimugna sa hugpong sa DepEd Division City of Bogo, Winter Wonderland sa LGU Bogo, Candyland sa Alliance of Private schools ug sa mga Bankers, Korean Christmas sa Sangguniang Kabataan sa Dakbayan sa Bogo.

Ang maong Carnival giablihan sa publiko sulod sa usa ka buwan isip kalingawan dili lamang sa mga molupyo sa Dakbayan ug usab sa mga gikan sa mga kalakbit lungsod ug mga Isla.

Uban niini mao usab ang pag-abli ug usa ka food park kun diin anaay gipahigayun nga mga aktibidadis kada gabii sama sa libre nga outdoor theatre, Dance Contest, panagtigi sa awit, Visayan Pop ug Jam Night, ug diri usab gipahigayun ang New Year’s Eve countdown diin gisalmutan sa mga bisita ang dungan nga pagsugat sa bag-ong tuig pinaagi sa pagpundok ug sa pagsaksi sa usa ka engrande nga Fireworks display.