Sa Enero 15, 2019 nalang kutob manawat ang Dakbayan sa Bogo ug mga buot morehistro sa Civil Service Examination nga ipahigayon puhon sa Dakbayan sa Bogo sa Marso, 2019.

“We are extending our services not only in the City of Bogo but as well as neighboring towns and Municipalities. We are inviting everyone to take this opportunity to take the Civil Service Exam in the City of Bogo. We only have less than 200 slots left and will be closing the registration earlier than the former January 17, 2019 deadline.” butyag ni Slavsky Ybanez, Human Resources and Management Officer sa Dakbayan sa Bogo.

Kini iyang gibutyag nunot sa advise sa Regional Office Director sa Civil Service Commission nga pasirad-an na ang registration alang sa Civil Service Examination kay daghan na kaayo ang nadawat nila nga mga aplikante nga buot mosalmot sa maong exam.

Dili palang madugay, gisirad-an na sa Siyudad sa Sugbo ang ilang pagpangdawat ug mga aplikante kay tungod puno na ang ilahang slots didto. Miresulta kini sa pagbalhin dinhi sa Dakbayan sa Bogo kadtong uban nga buot mosalmot sa exam.

“This is a first come, first serve bases. Anugon kayo nga dili na unya nato macater ang kadtong mga Bogohanon kay maglangay-langay man sa pagparehistro. Maong giawhag gyud namo nga magparehistro na dayun kay ugma nalang kutob ang among pagpangdawat.”, dugang ni Ybanez.

Buhata ang pagnganhi sa City Hall, Human Resources Office arun sa pagrehistro. Abli kami gikan sa alas 8 sa Buntag ngadto na sa alas 5 sa hapon.