Giawhag sa Dakbayan sa Bogo ang mga molupyo niini labi na ang kadtong ginikinan ug mga masuso sa pagpahimulos sa LIBRENG BAKUNA kontra Polio.

Kini pwede mapahimuslan pinaagi sa mga scheduled nga pagpamakuna sa mga nagkadaiyang health centers sa mga nagkalain-lain nga mga Barangay sa Dakbayan sa Bogo ug libre sab kini sa mga buot mo-avail niini sa atuang City Health Office.

Gideklara sa Department of Health (DOH) nga human sa pila ka tuig nga wala nay kaso sa Polio sa Pilipinas, kini kalit lang mibalik diin 2 ka kompirmado na nga kaso niini ang na-record bag-o lang.

Awhag sa DOH nga pabakunahan gayud ang mga bata labi na gayud kadtong adunay pangedaron nga 5 anyos paabos kay sila ang taas ug risk nga mataptan niining sakit.

Makatakod kining Polio or Poliomyelities ilabi na sa mga wala nakakuha o nakakompleto sa tulo (3) ka shots sa bakuna.

Ang taw nga adunay polio mahimong maglisod og ginhawa, ma-bakul o mamatay.

Pabakunahi si baby sa pinakaduol nga health center kung siya nag-edad og 6 weeks, 10 weeks ug 14 weeks. Timan-e ang 6-10-14 ug kompletoha ang tulo ka shots.

Walay tambal ang sakit nga polio busa malikayan kini pinaagi sa pagpabakuna.